نصائح لقبول الموقع في أدسنس
تصويرات
تقنية / مواقع الانترنت

نصائح لقبول الموقع في أدسنس

بسم الله الرحمن الرحيم 

قبول الموقع او المدونة في جوجل ادسنس أمر مهم جدا لاصحاب المواقع سواء اخبارية او مدونات والقائمة علي تسويق المحتوي مقابل اعلانات  ، ويجب أن يكون المحتوى الخاص بموقعك جذابًا وأن يقضي المستخدم الوقت في قراءته.

والتأكد من امكانية جعل المستخدم يشاهد ما لا يقل عن 10 صفحات مثلا، يجب أن يكون لديك ما لا يقل عن 25 مقالة وصفحة من المحتوى المكتوب محدثة لأن كل ما تكتبه قد لا يثير اهتمام الجميع في مجالك او في تخصصك "نتش الموقع". لذلك ، فإن اختيار أول 25 مقالة واكثر تكتبها للمكان الذي اخترته له أهمية كبيرة في جذب القارئ أو الزائر لكي يتنقل بين صفحات مدونتك بكل حرية، وهذا اهم شرط لقبول الموقع في جوجل أدسنس.

  • عدد المقالات او الصفحات المطلوب : من 25 مقالة فما فوق. وذلك اما أن تكتب بنفسك مقالات حصرية او تعيين محررين عبر الإنترنت يكتبون لصالحك مقالات وتنشر باسمهم داخل موقعك.
  • عدد الكلمات بكل مقالة: تقريباً من 500 كلمة الي 1000 كلمة مع التركيز علي الكلمات المفتاحية والوصف.
  • الفهرسة: يفضل طرح الموقع للمراجعة بعد التأكد من فهرسته بشكل كامل في جوجل search console وذلك لتسهيل عملية مراجعة محتوي الموقع ومدي قابلته وتوافقه مع شروط ادسنس.
  • الشروط الفنية: توفير صفحة ( من نحن ، سياسة الخصوصية ، اتصل بنا ) ويفضل تسجيل عضوية مجانية بموقع DMCA.com 
  • التوجيه: يجب ان لا يحتوي موقعك علي شىء ضد سياسة جوجل مثل خطاب يحض علي الكراهية او العنف او رموز نازية او محتوي جنسي او عُري.
  • تأكد من وضع الكود الخاص بادسنس في الصفحات التي تريد أن يظهر بها اعلانات فقط دون غيرها   لتجنب تأثير الصفحات المخالفة علي عملية القبول.

في حالة رفض طلب اضافة الموقع بعد المراجعة، فستجد رسالة تتضمن السبب وطرق حل المشكلة المتسبب في رفض الموقع.

كيفية إضافة و انشاء محتوي حصرى للقبول في ادسنس؟

أعجبتني تلك الطريقة التي قرأتها عبر موقع فيس بوك وارد نقلها اليكم وما ا طلب سوي دعواتكم لي ولصاحب المنشور الأصلي.

ملحوظة قبل بدية الشرح حابب اوصل ان  الشرح ده للمستوي المتوسط الى بيعرف يحجز دومين واستضافة ويسطب ثيم اما لو انت مبتدي خالص ومش عارف تعمل الكلام ده فانا بقولك الموضوع سهل روح اتعلمه الاول وتعالى تابع الشرح  نخش فى الموضوع ببساطة شديدة :

دومين + استضافة ( ده بسم الله الرحمن الرحيم عمل موقع فياريت الناس تتعود وتعرف ازاي تحجز دومين وتحجز استضافة ) ايه الاستضافة الى بنصح بيها والله الى جربتها وشايفها كويسة استضافة اسمها hostnine ورخيصة 

بعد متحجز الاتنين دول 

يفضل انك تقدم الدومين بمحتوي ملهوش علاقة بمحتوي الى انت عاوز تنزله فى موقعك احنا هنستخدم الطريقة بس كوبري عشان ادسنس يقبل الموقع... بعد كدا عادي طالما الدومين اتقبل زي متحب بقى انشر بس طبعا يكون متوافق مع سياسيات ادسنس عشان ميتقفلش "الطريقة شرعية جداَ جداً 100 % "

خلاص بقى عندنا الدومين والاستضافة ونركب عليها الوردبريس أو بلوجر   وبعدين هنروح ننزل ثيم اسمه vinkmag_28 ونسطبه على الموقع وممكن تشتري من themeforst "وممكن تستخدم ثيم جاني يكون شكله حلو". 

نخش مثلا نعدل حاجات بسيطة يعني مثلا نشيل اللوجو الحاجات الى هيا بتاعت الثيم حاول تغيرها 

هنعمل 25 موضوع :  الموضوع عبارة عن صورة وكلام لا يقل عن 500 كلمة ، الصورة من موقع pixabay وهتكتب تحت كل صورة فى مقالة  image source :pixabay.com

بالنسبة للمحتوي النص او الكلام او المقالات  انا مش عارف الطريقة دي اتقالت قبل كدا ولا متقالتش بس الطريقة كويسة اوي 

باختصار فى مواقع قديمة وعندها محتوي والمواقع دي وقعت خلاص ومبقتش موجودة بس المحتوي الى فيها كويس جدا

كيفية الاستعلام عن المواقع التى انتهت مدة سريانها 

  1. هنخش على موقع اسمه expireddomains.net وت سجل فيه  وبعد متسجل اكتب فى مربع البحث كلمة articles 
  2. هيجبلك مواقع كتيرر متعلقة بالمقالات وهتلاقى فيها مقالات كتييييرة اوي. 
  3. قصاد كل دومين خانة اسمها ACR دى بتبين عدد الصفحات الى متارشفة فى موقع archive 
  4. هندوس على ارقام دي افتح مثلا 4 او 5 مواقع هيفتحلك صفحة فيها تواريخ ومنورا بلون الازرق دوس علي الايام المتلونة ازرق 
  5. هيفتحلك الموقع القديم وشكله كان عامل ازاي بالمحتوي بتاعه اقعد بقى افتح فى صفحات هتلاقى مقالات بالهبل 
  6. طب هنعرف مقالة دي حصرية ولا لا هتخش على الموقع الجامد ده https://plagiarismdetector.net/ حط الكلام واعمل فحص للمقالة 
  7. هيديك النتيجة لقيت 100 % دي مقالة حصرية من 80 ل 90 % انصحك تشيلهم هو هيوريك دول متاخدين فين  طيب لو لقيت المقالة كلها متاخدا 
  8. بص اعمل فى نفس الموقع حاجة اسمها rewrite هيديلك مقالة حصرية 100 % بس انا عاوز تدرب نفسك تقعد تدور فى مواقع القديمة يمكن تلاقى موقع في مقالات حصرية 100 % تعمل بيها خدمة على خمسات ???? او تشتغل بيها سيو  تمام كدا هنروح ناخد 25 مقالة ونرميهم فى الموقع ومعاهم الصور الى قولتلك تجبهم منين وتنزلهم فى الموقع اهم حاجة المقالة متقلش عن 500 قشطة 
  9. وانت بتعمل المقالات هتعمل حاجة اسمها category او الاقسام اعمل بس قسمين فى الموقع نفترض مثلا cats و pets او cats و dogs 
  10. هما قسمين هتختارهم وقت متعمل المقالة المهم توزع المقالات دي على القسمين دول
  11. هنعمل صفحة السياسات والخصوصية واتصل بينا 
  12. بعد متعمل 25 موضوع والدنييا تمام غير تواريخ نشر المواضيع على مدار السنة الى عدت يعني خلى مقالتين كل شهر 
  13. يعنى عدل مثلا اول مقالتين فى مارس 2020 تاني وتالت مقالة ب ابريل 2020  لحد متوصل لوقت الى بتعمل فى الموقع كدا تمام هتستني يومين 3 الموقع بس يتارشف 
  14. فاهم نت كويس خش على ويب ماستر وضيف الموقعك عشان يتارشفو بسرعة المهم ان اللينك تظهر فى جوجل مش لازم كلها بس جزء منها كويس 
  15. تمام كدا اول منلاقى الموقع اتارشف روح حط كود ادسنس فى موقع واستني 7 ايام وهتلاقى الموافقة 

رفض متعملش اى حاجة قدم تاني وان شاء الله هيوافق 

وبالتوفيق ان شاء الله بعد مالدومين هيتوافق براحتك بقى حابب تشيل الى عملته كله بالثيم وتبدا شغل جديد زي متحب

دمتم في حفظ الله ورعايته

Mahmoud Salama 0 914 2022/05/06-02:10:33

Available Media:

Images:



Trustpilot