ماذا قبل شراء طابعة
تصويرات
عالم الطباعة / تقنية الطباعة

ماذا قبل شراء طابعة

يجب معرفة الفارق بين الطابعات الليزر والنافثة للحبر قبل ان تقرر شراء الطابعة. ولكن يجب عليك اجابة بعض الاسئلة:

الخطوة الأولى هي إنك تحدد إحتياجاتك:

  • عايز مجرد طابعة علشان لو اتزنقت في أي حاجة أطبعها بدل ما أقعد أدور على حد أطبع عنده

  • عايز أطبع كتب علشان مابحبش أقرا PDF وفي نفس الوقت الكتب غالية أو مش لاقيها أصلاً

  • عايز يبقى عندي أكتر من نسخة من ورق مهم بحتاجه أو بحتاج أوزعه على الطلبة بتوعي أو زمايلي في الشغل

  • عايز أحول كتب أو ورق كتير لنسخ إلكترونية علشان أحافظ عليها


الخطوة التانية هي إنك تحدد متطلباتك:

  • لو محتاج طابعة علشان تطبع كتابة بس، يبقى إنت كدة محتاج تشتري طابعة أبيض وأسود

  • لو محتاج طابعة تطبع صور أو أبحاث فيها صور يبقى إنت كدة محتاج تشتري طابعة ألوان

  • لو محتاج تنسخ كتير يبقى إنت محتاج تشتري طابعة متعددة الوظائف أبيض واسود أو ألوان فيها ماكينة تصوير

  • لو محتاج تحول ورقك لنسخ إلكترونية يبقى إنت كدة هتشتري طابعة متعددة الوظائف ألوان أو أبيض وأسود فيها ناسخ -اسكانر-


الطابعات عموماً بكل أشكالهم متقسمة نوعين أساسيين؛ طابعة ليزر جت وطابعة إنك جت. كل نوع له مميزاته وخصائصه: وفيما يلى نكشف أبرز الفروق بين نوعى الطابعات والتى يمكن بناءا عليه للمستخدم أن يحدد احتياجاته ويعرف أيهما أفضل بالنسبة له كما يلى:

 

طريقة العمل

طابعة الحبر: من الطابعات التى تعتمد على رش الحبر السائل من خلال الفتحات المجهرية على الورق.

طابعات الليزر: تعتمد على استخدام خرطوشة الحبر المملوءة بمسحوق ناعم مع وحدة صهر ساخنة لتثبيت المسحوق.

 

استخداماتها:

طابعات الحبر: مناسبة لطباعة الوثائق الأساسية فقط، أو بمعنى طابعة الأوراق باللون الأبيض والأسود التى تعتمد على مستندات الورد فقط وحزمة الأوفيس، وهى تعتبر الأقل تكلفة، وهى قادرة على طبع عدد من الوثائق ومستندات الفحص أو الصور وغيرها بكل سهولة.

 طابعات الليزر: منها طابعات أبيض وأسود وأخرى للألوان وهى تتيح طابعة المستندات المختلفة تماما مثل الطابعات الحبرية ولكن بجودة أعلى.

 

المميزات:

طابعة الحبر:

تتميز بحجمها الأصغر، وانخفاض تكاليفها وأسعارها، فضلا عن سهولة استبدال خراطيش الحبر وتوفر جودة طباعة صور ممتازة، حيث إنها يمكن أن تنتج نتائج مذهلة فى طباعة الصور مع ألوان حيوية باللون الأبيض والأسود.

 

طابعة الليزر:

تتميز بكونها أكثر كفاءة فى استخدام الحبر، كما أن تكلفة طابعات الليزر فى كل صفحة يمكن أن تكون أقل بكثير، وهو ما يعنى انخفاض التكلفة الإجمالية على مدى العمر، وتتميز بسرعتها فى الطباعة حيث تكون سريعة للغاية خاصة مع الوثائق الكبيرة مقارنة مع الطابعات الحبرية، فضلا عن سهولة تنظيفها.

شوف الفيديو ده لو اخترت ليزر 

Mahmoud Salama 0 1458 2019/06/12-13:49:50

Available Media:

Images:



Trustpilot